🌺 Namaskar Doston,
Kaise hain aap sab
Main hoon Ritika Nigam apki happy wali healer and dost ,aur aap sabhi ka dil se swagat hai The Soulfull Spoon ke ek aur soulful chapter mein , phir ek baar lekar aayi hoon ek aur gehri aur rooh se judi post humari powerful chakra series mein. Aaj hum baat karne wale hain Vishuddha Chakra ki — jise aap Throat Chakra ke naam se bhi jaante ho. Yeh chakra sirf bolne se nahi, apne mann ki sachchai ko samajhne aur vyakt karne se bhi juda hua hai.
Agar aap kabhi soch kar bhi apne emotions share nahi kar pate, ya hamesha dusron ki baaton mein khud ki awaaz kho dete ho, toh aaj ka content aapke liye ek healing message ban sakta hai.
🔷 Vishuddha Chakra Kya Hota Hai?
Vishuddha ka arth hota hai “शुद्धता” – aur yeh chakra represent karta hai self-expression, truth, authenticity aur communication. Yeh hamare gale ke beech mein sthit hota hai aur sky blue color ka hota hai — jo shaanti, clarity aur ujjwal soch ka pratik hai.
Yeh chakra ek pull hai jo humein dil se bolna, bina jhooth ke jeena aur bina dare apni pehchaan banana sikhata hai. Jab yeh chakra active hota hai, toh hum sachchai ke saath jeena seekhte hain, chahe woh khud ke liye ho ya doosron ke liye.
📍Kahan Stith Hai?
Vishuddha Chakra sthit hota hai gale ke beech mein, thyroid gland ke paas. Yeh chakra throat, vocal cords, jaw, neck aur shoulders se juda hua hota hai.
Yeh chakra ek bridge ka kaam karta hai — heart aur mind ke beech. Yani jo kuch hum feel karte hain aur jo kuch sochte hain, un dono ko hum kaise express karte hain, woh yahi chakra decide karta hai.
❌ Blockage Ke Sanket – Jab Aapki Awaaz Dab Jaye
Jab yeh chakra block ho jata hai, toh aap apne aap ko express karne se darne lagte ho. Kai baar toh humein khud bhi nahi pata chalta ki hum sach bol rahe hain ya bas sabse accept hone ke liye acting kar rahe hain.
🧠 Emotional & Mental Symptoms:
- Apne emotions ko daba lena
- Kisi ko hurt na ho is darr se chup rehna
- Over-talking ya over-sharing
- Hamesha misunderstood feel karna
- Apne upar trust na hona
🩺 Physical Signs:
- Frequent sore throat, thyroid issues
- Jaw stiffness
- Speech-related problems
- Neck pain or chronic tension
🌟 Jab Vishuddha Chakra Balanced Ho Jaye
Ek balanced throat chakra se aap:
- Apni baat bina dare rakh pate ho
- Creative expression mein aage badhte ho
- Apne emotions ko clear words mein convert kar pate ho
- Honest aur confident feel karte ho
- Apne mann ki baat ko calmly aur lovingly bol pate ho
Yeh chakra aapki communication mein compassion laata hai. Aap sirf bolte nahi, dil se sunna bhi seekh jaate ho.
🧘 Vishuddha Chakra Ko Heal Kaise Karein?
🔸 Affirmations:
- “Main apne truth ko pyaar aur sammaan se vyakt karta hoon.”
- “Meri awaaz mahatvapurna hai.”
- “Main bina dare, bina jhijhak apni baat keh sakta hoon.”
🔸 Beeja Mantra:
- “HAM” – is mantra ko 108 baar daily chant karein. Yeh aapke throat chakra mein shuddhi aur clarity laata hai.
🔸 Healing Yoga Poses:
- Fish Pose (Matsyasana)
- Shoulder Stand (Sarvangasana)
- Lion’s Breath (Simhasana) – yeh stress bhi release karta hai aur awaaz ko kholta hai
🔸 Crystals:
- Lapis Lazuli – truth aur communication ke liye
- Aquamarine – courage aur clarity ke liye
- Blue Lace Agate – calm communication aur anxiety relief ke liye
🔸 Foods:
- Blueberries, black grapes
- Herbal teas (especially chamomile, mint)
- Coconut water
- Warm water + honey (voice clarity ke liye)
🔸 Soul Practices:
- Daily journaling: Apne dil ki baat likhna suru karo.
- Mirror work: Apne aap se daily 2 minute baat karo, aankhon mein aankhon daal ke.
💖 Close Thought – Awaaz Sirf Shabd Nahi Hoti
Vishuddha Chakra aapki awaaz se bhi gehra hai. Yeh chakra aapki rooh ki awaaz ban jaata hai jab aap usse pehchan lete ho. Jab aap apne andar ki awaaz ko samajhna seekh jaate ho, tabhi duniya bhi aapko clearly sunne lagti hai.
Agar aaj aapne khud se ek honest baat ki — toh aapne Vishuddha Chakra ka pehla kadam le liya hai.
Toh chaliye, ek commitment karein ki aaj se hum sirf baat nahi karenge, dil se sunenge, aur rooh se bolenge. 💙
No responses yet