🌸 Namaskar Doston,
Kaise hain aap sab
Main hoon Ritika Nigam apki happy wali healer and dost ,aur aap sabhi ka dil se swagat hai The Soulfull Spoon ke ek aur soulful chapter mein.
Pichle kuch dino se hum work kar rahe the “Days ke according humko kya khana chahiye” i hope aap logo ko wo series achi lagi hogi or aap logo ne us hisab se apne khane mein changes bhi laye honge
Aaj se hum shuru kar rahe hain ek rooh ko chhoo lene wali journey – “Chakra Healing Series” Ye series un sab logon ke liye hai jo apne andar ki energy centres ko samajhna chahte hain, unhe balance karna chahte hain, aur apni body-mind-soul ki harmony se jodna chahte hain.
Har chakra ke saath aapko milegi:
- Emotional clarity 🌿
- Satvik lifestyle tips 🍲
- Healing rituals aur affirmations 🔮
- Aur woh sab kuch jo aapke spiritual path ko aur gehra banaye
Aayiye, is journey ko saath milke explore karte hain — pyaar se, patience se aur pure intention ke saath. 💫
🔻 Chaliye shuru karte hain pehle chakra se– Jissey hum Mooladhara or (Root Chakra) bhi kehte hai , Iska sambandh Laal Rang (Red colour) se hota hai.
Jaise kisi ped ki majbooti uski jadon pe tikki hoti hai, waise hi insaan ki emotional, physical aur spiritual stability is chakra par nirbhar karti hai.
Root Chakra ka sambandh hota hai:
- Zindagi ki basic needs se – roti, kapda, makaan
- Suraksha aur bharosa se – khud pe aur parivaar par
- Aur sabse zaroori, zameen se judne ka ehsaas
Ye chakra aapke sharir ke base of spine, yaani ki tailbone ke paas sthit hota hai. Jab yeh balanced hota hai, to aap zameen par majbooti se khade hote ho — bina ghabrahat ke, bina dar ke. Lekin agar yeh chakra block ho jaye, to zindagi mein asuraksha, overthinking, aur confusion chhane lagta hai.
Isliye yeh chakra keval sharir ka hi nahi, balki jeene ka buniyadi darwaza hai.
👉 Iska element hai Prithvi (Earth), aur yeh base of spine (reedh ke neeche) hota hai.
🌀 Kaise Pehchaanein ki Root Chakra Block Hai?
Root Chakra block hone par zindagi mein ek ajeeb si asthirta mehsoos hoti hai — jaise kuch bhi control mein nahi hai. Yeh blockage sharirik aur maansik dono levels par asar karta hai.
Yeh rahe kuch common lakshan (signs) jo batate hain ki aapka Mooladhara Chakra blocked ho sakta hai:
🌫️ Emotional Signs:
- Har waqt worry ya overthinking, bina kisi reason ke
- Lagta hai jaise life out of control hai – jaise sab kuch hil raha hai
- Financial ya career insecurity baar baar dimag mein aati hai
- Kisi bhi naye kaam ya relation mein trust nahi ban pata
- Aksar gussa, frustration ya andar hi andar chinta mehsoos hoti hai
- Akelepan ka ehsaas, chahe aas paas log ho fir bhi
- Apne aap se disconnect mehsoos karna – jaise “main khud se jud nahi pa rahi hoon”
🩺 Body Pe Bhi Asar Hota Hai:
- Lower back ya legs mein pain
- Digestion issues, kabhi constipation to kabhi acidity
- Thakan ka ehsaas – jaise body heavy ho gayi ho
- Immunity low – baar baar chhoti chhoti bimariyaan hona
🧠 Behavioral Signs of Root Chakra Blockage – Kya Aapko Bhi Aisa Mehsoos Hota Hai?
Jab Root Chakra weak ya blocked hota hai, to sirf emotions aur body hi nahi, balki aapke behaviour mein bhi subtle changes aate hain. Yeh changes chhote lagte hain, lekin dheere-dheere yeh aapke confidence, decision-making aur life ke balance ko effect karte hain.
Yeh rahe kuch common behavioural patterns jo dikhate hain ki aapka Root Chakra shaayad block ho gaya hai:
💸 1. Paise Ki Zyada Chinta ya Obsession
Har waqt money ko lekar stress hona — “agar job chali gayi to kya?”, “yeh kharche kaise handle honge?”, ya “mujhe aur safe karna chahiye” — yeh excessive fear Root Chakra imbalance ka sign ho sakta hai.
🚶♀️ 2. Zindagi Mein Bhatka Hua Mehsoos Karna
Kayi baar aisa lagta hai jaise koi direction hi nahi hai — na passion samajh aata hai, na goal clear hote hain. Jaise aap bas kisi flow mein chal rahe ho, bina control ke.
🤝 3. Dusron Pe Zyada Depend Karna
Apne decisions lene se dar lagna, ya hamesha kisi aur se confirmation chahiye hoti ho? Jab Root Chakra block hota hai to aap apne upar bharosa nahi kar paate, aur har baat ke liye kisi aur ka sahara dhoondte hain.
⚠️ 4. Hamesha Alert ya Over-Defensive Rehna
Chhoti baaton par over-react karna, ya hamesha kisi threat ki feeling rakhna — jaise sab kuch bigad sakta hai. Yeh dar aur hyper-alert hona Root Chakra ke imbalance ka result ho sakta hai.
❌ 5. Risk Se Bachne Ki Koshish
Aap naye kaam start karne se pehle hi darr jaate hain? Ya risk lene ka soch ke anxiety ho jaati hai? Jab Root Chakra weak hota hai, to aap apne comfort zone mein chipak jaate ho — kyunki aapko lagta hai “bahar safe nahi hai”.
🙅♀️ 6. Over-Controlling Nature
Jab hum andar se insecure feel karte hain, to hum har cheez control karne ki koshish karte hain — logon ko, situations ko, emotions ko. Ye bhi ek blockage ka clear sign hota hai.
Agar aap inme se kai signs ko mehsoos karte ho, to ho sakta hai ki aapke Root Chakra ko cleansing aur grounding ki zarurat hai.
Agle Section mein hum seekhennge ki kaise hum apne Root Chakra ko balance or heal kr skte hai
🥕 Root Chakra healing ke liye khane ki cheezein,
🧘♀️ Simple grounding practices,
🕯️ Aur affirmations jo aapki jadhon ko (Root) mazboot banayenge.
🌟 Closing Thought:
Jab Root Chakra balance hota hai, aapko apne pairon ke neeche dharti ka sahaara mehsoos hota hai.
Aap present moment mein jeena seekh jaate hain — bina dar ke, bina shak ke.
Yeh chakra kehta hai: “Tum jahan ho, wahi tumhara ghar hai.”
🕊️ Aapki spiritual saathi,
Ritika Nigam
No responses yet