🌺 Namaskar Doston,
Kaise hain aap sab
Main hoon Ritika Nigam apki happy wali healer and dost ,aur aap sabhi ka dil se swagat hai The Soulfull Spoon ke ek aur soulful chapter , aur aaj hum milke chakra healing ke us padav tak aa gaye hain jahan se har rishta, har jazba, aur har ehsaas shuru hota hai –
Heart Chakra ya isey hum Anahata Chakra bhi kehte hai (Jab Dil Bolta Hai, Rooh Muskuraati Hai)
Zindagi mein sabse gehra dard bhi dil ko lagta hai, aur sabse pyaari healing bhi wahin se shuru hoti hai. Jab hum emotionally toot jaate hain, ya kisi ne vishwas toda ho — wahi Anahata chakra ki imbalance hoti hai.
But the good news is – ye chakra phir se khul sakta hai. Aap phir se pyaar mehsoos kar sakte ho.
Chaliye, aaj is pyaare or pyar bhare chakra ke raaz samjhte hain – emotional depth ke saath. 💖
📍 Heart Chakra – Kya Hai Ye Dil Se Juda Chakra?
- Sthaan: Chest ke beech mein, hriday ke paas
- Element: Air (vaayu) – openness, movement, flow
- Color: Green – healing, freshness, emotional rebirth
- Seed Mantra: YAM
- Associated With: Love (self aur others), empathy, compassion, forgiveness, harmony
Yeh chakra aapke emotional aur spiritual center ko balance karta hai. Jab yeh chakra open hota hai, aap sirf duniya ko nahi — khud ko bhi pyaar se dekhte ho.
💖 Balanced Anahata Ke Signs – Jab Dil Khula Hota Hai
- Aap easily pyaar express kar paate ho
- Apne aap se shanti aur acceptance mehsoos hoti hai
- Relationships mein understanding aur depth hoti hai
- Apne past ko maaf kar paate ho
- Empathy ka level high hota hai – bina judge kiye mehsoos kar paana
💔 Blocked Anahata Ke Symptoms – Jab Dil Ka Darwaza Band Ho Jaata Hai
😢 Emotional Symptoms:
- Past heartbreak se nikla nahi jaa raha
- Apne aap ko pyaar ke laayak nahi samajhna
- Feeling lonely even when you’re with people
- Emotionally detached rehna
- Jealousy, resentment, ya overdependency
🧠 Behavioral Patterns:
- Logon ko push away karna
- Emotionally unavailable rehna
- Apne emotions ko suppress karna ya ignore karna
- Boundaries banana mushkil hona
- Extreme attachment ya fear of loss
🧱 Kya Hota Hai Blockage Ka Karan?
- Emotional Trauma: kisi ne dhoka diya, ya rishtey mein trust toot gaya
- Conditional Love: bachpan se hi agar aapko pyaar ke liye prove karna pada ho
- Loss & Grief: kisi close ka chale jaana ya heartbreak
- Self-Hatred or Guilt: apne aap ko blame karna, ya pyaar se deny karna
Block Anahata ka matlab hai – aapne dil ki deewar khadi kar li hai taaki koi aur dard na de. Lekin us deewar ne khushi bhi rok di.
🌿 Healing Tips – Dil Se Shuruaat Karein
🌬️ 1. Heart-Focused Deep Breathing:
Rose 10 mins dil ke area par dhyaan dekar saans lein. Vaayu element se connect karke aap apne emotions ko free kar sakte hain.
🕯️ 2. Forgiveness Journal: Har raat ek page likhiye – kisko maaf karna hai aur kyun. Likhiye, royiye khulke , chhodiye.
💌 3. Self-Love Ritual:
Apne aap ko mirror mein dekhkar boliye –
“Main pyaar ke laayak hoon. Main apne dil ko open karta/karti hoon.”
🎶 4. Healing Sounds:
Heart chakra music (432 Hz), nature sounds, ya flute – yeh dil ko soothe karta hai.
🧘♀️ 5. Heart-Opening Yoga Asanas:
Bhujangasana (cobra), Ustrasana (camel pose), aur anjali mudra – yeh sab is chakra ko activate karte hain.
🌳 6. Nature Therapy:
Green trees, open sky aur thandi hawa — aapko heart chakra ke element se jodne mein madad karti hai.
🧘♂️ Powerful Affirmations:
- “Main bina shart pyaar karta/karti hoon.”
- “Mera dil khula hai aur ready hai receive karne ke liye.”
- “Main apne past ko maaf karta/karti hoon, aur aage badhta/badhti hoon.”
🌈 Close Thought – Dil Ki Bhasha Samajhiye
Jab aapka Heart Chakra heal karta hai, toh aap har pal jeene lagte ho — bina darr ke, bina roke. Aap har insaan mein khubsurti dekh paate ho… sabse pehle khud mein.
Anahata chakra ka safar ek emotional rebirth hai. Toh chaliye, aaj se apne dil se ek naya rishta shuru karein. 💚
No responses yet